تخيل! هتعمل ايه في الموقف ده؟؟!

ساعات كتير و انت ماشى فى الشارع

او و انت فى الكليه

او و انت رايح مشوار مع اصحابك

او بالذات وانت على المسينجر


تقابل واحد عرفه بس مش فاكر اسمه
بتقوله ايه؟؟؟


- ازيك يا باشا

ولا

- ياااااااااااااا......انت فين يا راجل

ولا

- وحشتنى والله ( وانت اصلا مش فاكر اسمه بتاتا بس فاكره كشخصيه )

ولا

- ايه يا عمنا مش تتصل (و هو ميعرفش رقمك تماما )


و يا سلام بقى لو هو كمان مش فاكر اسمك

::يبقى الحوار كالاتى::

- مين...هو انت؟؟

- مين...ازيك يا باشا

- الحمد لله ....انت عامل ايه.....محدش بيشوفك يعنى

- انت عارف بقى ......مشغوليات


و انت عمال تشغل الجمجمه

وتجيلك فكره جهنميه

و ايه اخر الاخبار يا ابو حميد ( على ان يطلع اسمه محمد.......احمد.......محمود )

ايه يا عم ابو حميد مين؟؟؟؟

اه ............لا ده انا بشاور لواحد صاحبى.....خليك معايا

و عامل ايه فى الدراسه......دخلت ايه

والله .........يعنى .......


و يستمر الحوار و ينتهى و لا واحد فيكم فاكر اسم التانى


قولى بقى حصلك موقف من هذا القبيل؟؟؟
وعملت ايه بالظبط
يمكن نستفاد منك