ೋೋ منتديات الفضالى ترحب بالجميع ೋೋ
 
الرئيسيةالتسجيلدخول

شاطر | 
 

 دروسـ فى الرخامه والبرود والرزاله يا شباب

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
elfdaly
المدير العام
المدير العام
avatar

عدد المساهمات : 595
نقاط : 1513
تاريخ التسجيل : 22/06/2009
العمر : 24
الموقع : elfdaly-net.yoo7.com

مُساهمةموضوع: دروسـ فى الرخامه والبرود والرزاله يا شباب   الأربعاء 15 يوليو 2009, 9:14 am




دروسـ فى الرخامه والبرود والرزاله يا شباب










فى التوبيك دة هنعلم الشباب الرزاله الصح

تعالوا معايا بقى كدة واحدة واحده عشان متتهوش منى

وانشاء الله معايا اللى هيتعلم وهيسمع الكلام هيبقى ارزل وابرد واحد فى الدنيا






اول حصة :ازاى تبقى رزل فى المواصلات





لو راكب فى باص أو ميكروباص وجنبك حد نايم اوعى تسيبه نايم
كل شوية اقعد قول وصلنا عشان يصحى مخضوض لو عمل اهبل صحيه وقوله مش انت نازل هنا بيتهيألى

لو مش نايم متسيبوش فى حاله برضه عيب عليك متجيش
ركز على سؤال واقعد اسألهوله كل شوية زى أنت نازل فين طب انت دفعت ولا لأ

لو قاعد هو جنب الشباك جوه وقالك عدينى قوله رجلى منملة مش قادر وخليه ينط زى القرد
أو قوله ماتنزل من الشباك

لو انت فى أتوبيس وقاعد على كرسى وجنبك ناس واقفة استمتع بقى وخدك وقتك
اتمطع بقى وقول ياسلام على الراحة الواحد مكنش عارف هيعمل أيه لو مش قاعد
لو العكس بقى اقعد اسأل كل واحد انت نازل فين واقعد قول بصوت عالى
ياجماعة محدش نازل قريب أصل انا عايز اقعد طول مانت واقف قول كده لحد مايقعدوك

لما الكمسرى يجى ياخد منك الاجرة اسأله على تمن كذا مكان
يعنى قوله هو لغاية الحتة الفلانية بكام طب لغاية الحتة دى بكام
اسأل على تمن كل الاماكن اللى تعرفها لحد مايقولك ياعم خلصنى رايح فين
قوله مانا عشان ابقى عارف بس وتقل فى العيار يمكن يسيبك ويمشى
لما يدى حد تذكرة قوله ورينى كده لو سمحت واقعد اتأمل فيها
لحد ما صاحبها يزهق ويشدها منك

فى مفتش بقى ساعات بيطلع يفتش على التذاكر وبيطلع على السريع كده وينزل
أنت بقى اوعى تديهاله علطول كده أزعل منك والله
دور عليها ساعة حط ايدك فى جيوبك مية مرة هيقولك خلص يا استاذ قوله ثوانى كانت معايا والله
واقلع الجذمة ودور فيها وفى الاخر طلعها من بوقك بعد مايكون هو مات من الملل وقوله مش قولتلك

كفاية كده بقى حرام المفروض تنزل قبل الناس ماتموت منك
أستنى رايح فين أنت نازل عادى كده ولا كأنك رذل ولا حاجة
وأنت نازل هيبقى فى ناس واقفة أعمل نفسك مش عارف تعدى
وحاول تجاهد على قد ماتقدر وتضيع الوقت اللى تقدر عليه
لحد الناس ماتشيلك وترميك بعد ماتكون جبتلهم السكر ورفعت ضغطتهم



كدة اول حصة انتهت .. بعد كدة هتنزل كل اسبوع

وطبعا اللى عنده حاجة زياده فى الرزلة يزود ويزودنا معاه






الحصة التانيه يا شبااابــ





ازاى تبقى رزل فى الكليه









فى الكلية هتقابل صاحبك وهتقعدوا على أى كافيه

هيجى الجارسون سيب صحبك يطلب الأول وبعدين استلم الجارسون بقى واديله نصيبه
قوله عندك برجر ؟ هيقولك اه
قوله حلو ؟ هيقولك تمام
قوله اوك يبقى اكتب واحد شاورمة
طب عندك كبده ؟ هيقولك ايوة قوله معمولة ازاى ؟

سيبه يرغى شوية وقوله انا اصلا مبحبش الكبدة فكك
حاول تطلب حاجات غريبة زى سندوتشات حلاوة طحينية على اساس انك فى سجن أبو زعبل

أو سندوتشات بيض أو بتنجان أو لبن العصفور أمسك فى الحاجات اللى مش موجودة كلها
المهم حاول تجيبله جفاف عقبال ماتطلب اللى انت عايزه


وأنت بتاكل بقى أتسلى على المخلل اللى مش عاجبك أرمى شوية على التربيزة وشوية على الأرض أنت وذوقك بقى
لو معاك كاتشب مفيش مانع تكتب أول حرف من اسمك على التربيزة ترسم قلب عادى يعنى المهم تخليله التربيزة شبه التورتة
ومتنساش تعيب على الأكل وأنت بتحاسب وكمان تقول الحساب غالى


ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ


فى المدرج أرشق نفسك بين أتنين متعرفهمش وابتدى الشغل بقى أتعامل على إنك صاحبهم من قرن

يضحكوا على حاجة اضحك معاهم كده يعنى المهم تركز معاهم كأنك من بقيت أهلهم ولا خلفوك ونسوك

أو طريقة تانية أتلكك لكل اللى جنبك كل ماحد ينطق كلمة قوله لو سمحت أسكت عشان أفهم


لو مسكتش أنا هقول للدكتور والحركة دى رذلة ومستفزة جدا بس اشطه يعنى

وياسلام لو واحد وواحدة يبقى أنت كده جبت من الآخر



لو جنبك واحد بيكتب يبقى اتفتحتلك طاقة القدر اقعد اسأله وعطله ومتخليهوش يكتب سطرين على بعض



استلم أى حد واسأله المحاضرة هتخلص امتى ؟ وكل فيمتو ثانية كده اسأله الساعة كام اصل أنا زهقت

طبعا هو اللى زهق وطهق من الكلية وبيقول ياريتنى ماكملت تعليم وكره حياته كلها زى باقى الضحايا

ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ


عايز تعمل دماغ حلوة روح على شباك شئون الطلبة المهم حاول تعمل أهبل وأنت داخل وعايز تقف أول واحد


هيرجعوك ورا تحاول تقف مكان أى حد وترذل على كله هما أصلا بيبقوا واقفين مش طايقين نفسهم

لو واقف تانى واحد كده مفيش مانع تزق اللى قدامك تلبسه فى الشباك الحديد وتقول الله ياجماعة ياللى ورا متزقوش



ومن قبل ماينطق ولا كلمة تقعد تقوله خلص يالا عشان غيرك ومتخليهوش يركز مع بتاع شئون الطلبة خالص


لما يجى دورك بقى بيبقوا عايزين يخلصوك ويكروتوك واللى واقفين وراك فى الطابور مستنينك تغور فى داهية بفارغ الصبر
خد وقتك كأنك بتحجز فى سينما و اسأل أسئلة كتير وكل مايقولك حاجة قوله مش
فاهم معلش قول تانى فهمنى أعمل أيه بالظبط لحد ماتشل أكبر عدد ممكن

وبكده يبقى أنت مارست هوايتك وقضيت يوم رذل


http://www13.0zz0.com/2009/12/01/18/802452054.jpg

الرجوع الى أعلى الصفحة اذهب الى الأسفل
http://elfdaly-net.yoo7.com
El_maystro
عضو جديد
عضو جديد
avatar

عدد المساهمات : 11
نقاط : 11
تاريخ التسجيل : 24/06/2009
الموقع : http://a7la-times.yoo7.com

مُساهمةموضوع: رد: دروسـ فى الرخامه والبرود والرزاله يا شباب   الأربعاء 15 يوليو 2009, 1:47 pm

Very Happy
الرجوع الى أعلى الصفحة اذهب الى الأسفل
elfdaly
المدير العام
المدير العام
avatar

عدد المساهمات : 595
نقاط : 1513
تاريخ التسجيل : 22/06/2009
العمر : 24
الموقع : elfdaly-net.yoo7.com

مُساهمةموضوع: رد: دروسـ فى الرخامه والبرود والرزاله يا شباب   الأربعاء 15 يوليو 2009, 3:00 pm

Surprised

http://www13.0zz0.com/2009/12/01/18/802452054.jpg

الرجوع الى أعلى الصفحة اذهب الى الأسفل
http://elfdaly-net.yoo7.com
ReMo
مشرفه
مشرفه
avatar

عدد المساهمات : 82
نقاط : 179
تاريخ التسجيل : 24/06/2009
العمر : 24
الموقع : ف بيتنا والله

مُساهمةموضوع: رد: دروسـ فى الرخامه والبرود والرزاله يا شباب   الخميس 16 يوليو 2009, 11:07 am

هههههههههههههههههههههههههههههههههههههههههههههه

هههههههههههههههههههههههههههههههههههههههههههههههههه

ههههههههههههههههههههههههههههههههههههههههههههههههههههههههه

ومنكم نستفيد

لازم نعمل بنصايحك طبعا وانت هتكون أول ضحيه

ههههههههههههههههههههههههههههههههههههههه

http://www13.0zz0.com/2009/12/01/18/802452054.jpg
الرجوع الى أعلى الصفحة اذهب الى الأسفل
elfdaly
المدير العام
المدير العام
avatar

عدد المساهمات : 595
نقاط : 1513
تاريخ التسجيل : 22/06/2009
العمر : 24
الموقع : elfdaly-net.yoo7.com

مُساهمةموضوع: رد: دروسـ فى الرخامه والبرود والرزاله يا شباب   الجمعة 17 يوليو 2009, 9:12 am


مش ممكن طبعا هايتقلب عليا

المعلم لا يعطى كل المعلومات الى تلاميذة حتى يبقى هو المعلم

ومش هاتقدرى بردة يا ريمو

تحياتى الى كل الرخمه

هههههههههههههههههههههه

http://www13.0zz0.com/2009/12/01/18/802452054.jpg

الرجوع الى أعلى الصفحة اذهب الى الأسفل
http://elfdaly-net.yoo7.com
 
دروسـ فى الرخامه والبرود والرزاله يا شباب
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ೋೋ منتديات الفضالى ೋೋ :: القسم الترفيهى :: منتدى الرزاله والغتاته و الرخامه-
انتقل الى: